Eus ar 25 d'an 28 a viz eost 2005:

degemer ar Gembreiz.

 

Tem ar gejadenn-se : an danvezh arzhourel ha lennegel breizhat, o vagań sevenadur Europa (hag ar bed !), dre skouer BRO PONT-AVEN. D’ar gwener 26 a viz Eost hon eus kaset an hanter-kant ostiziad a vro Gembre (digouezhet e Plogoneg d’an derc’hent noz) hag un neubeut familhoů ostiz d’ober ur bourmenadenn sevenadurel ha plijus, heńchet gant ur paotr eus ar vro, Jean-Pierre BOLOU, a zo o chom e Plogoneg, ezel eus ar C’huzul-gevellań abaoe an deroů, ha livour en e amzer vak !

 

AR ROLL-AMZER :

Mintinvezh e NIZON, stok ouzh Pont-Aven, evit gweladenniń :

*ar porzh-bered (iliz ha kalvar gant ur Pieta he deus awenet Gauguin).

Andrea Ar Gouilh a zeuas da gevrediń ganeomp da ganań gwerz Jenovefa Rustefan, anavezet mat c’hoazh e Nizon hag a zo unan eus barzhonegoů bravań ar Barzhaz Breizh. Frommus…

             

Rivinoů Kastell Rustefan ez eus tu gwelout anezho c’hoazh ket pell diouzh ar vourc’h. Theodore Hersart De La Villemarque (Kervarker) ‘n eus tremenet e vugaleaj e maner Plessis-Nizon : aze ‘n eus klevet ar gwerzioů kentań na baouezho ket da zastum war-lec’h evit krouiń ar BARZHAZ BREIZH.

 

*an Hang’art : n’eo ket ur savadur, met ur strollad a livourien a liv evit ar blijadur, ganto ar pal da livań, gant livioů lirzin, eńvor Nizon. Unan eus e izili, Hippolyte LE BRAS, a ginnigas deomp un neubeut taolennoů hag a zisplegas istor an emsav “Hang’art”.

               

 

*chapel Tremalo, eus ar XVIet kantved, gant e grusifi liesliv, a roas buhez da “Krist Melen” brudet Gauguin.

                

 

E dibenn ar mintinvezh eo bet kuitaet uhelderioů Tremalo davet Pont-Aven, war droad, evit brasań plijadur an daoulagad oc’h arvestiń ar gęr e fońs an draonienn, hag ivez evit digeriń ar galon ! (met lod ’zo o deus kavet furoc’h diskenn gant ar c’harr-boutin !).

Kir ha pik-nik en ur sal cheuc’h en Ti-kęr : ar sal Julia, a oa bet sal-debriń al leti ma oa boas livourien Pont-Aven da ennezań ennań.

                

 

Endervezh : gweladenniń PONT-AVEN,

ar mirdi, ar salioů-diskouezhadeg, ar porzh, Koat ar Garantez (a awenas Paul Sérusier), hag evel just Bali Xavier Grall, un enezig o skeiń, war-zu an traon, gant ur poul-skorf a ziskouezh penaos e oa ingalet an dour d’ar meilhoů. Uheloc’h en em sil an Aven dre melloů kerreg maen-greun. Ul lec’h dudius eo ha priziet gant ar bourmenerien a c’hell bourrań ar sederoni krouet gant gwel red an dour etre ar reier  ha selaou sonadeg richan al laboused hag hiboud ar stęr. E deroů ar « bali », penn kizellet Xavier Grall a ro sonj e oa eń barzh, skrivagner, kazetenner, dispac’her, met ivez e-pad ur pennadig amzer pennskrivagner ar « Vie Catholique » hag an « Nation Bretonne ». Bevet ‘n eus e Nizon adalek 1973 betek e varv.

 

    

Abardaezh : loc’het hon eus war-zu keriadenn tiez-plouz Kerascoëd (kumun Nevez). Etre Nevez ha Tregon e vez kavet savadurioů digustum a-walc’h : an tiez maen-sav.

       

 

War hent an distro omp chomet a-sav ur pennadig e porzhig Trevignon.

 

A-benn tennań ar brasań gounid eus an devezh-se gouestlet d’an ober arzhel ha lennegel a Bont-Aven, eo bet moulet gant ar c’huzul gevellań ul levrig a zo bet profet d’ar berzhidi.

 

SADORN 27 :

Lidet eo bet war an ton ofisiel degemer ar Gembreiz. Profet o deus da dud Plogoneg ur groaz koad kizellet gant Ieuan Roberts, hervez patrom ar « Groes Neuadd Siarman » (ur groaz bet kizellet war vaen, lakaet bremań war wel e mirdi Brecon ha brudet evit bezań ar vravań skouerenn e-touez kroazioů ar seurt-se).

    

 

Goude ur predig asambles er sal sokio-sevenadurel, lod eus outo a zo bet da fouetań maezioů Plogoneg, gant ar strollad baleerien, ha lod all d’ober un neubeut prenadennoů e Kemper, e-keit ma oa izili ar c’huzul-gevellań o prientiń ar fest-noz/krampouezh e Lopeo.

Ha Fest-Noz ez eus bet ! Krampouezh ivez evel just !

 

        

         

 

SUL 28 :

Ezhomm ‘oa diskuizań war-lec’h an nozvezh hir… a-raok pignat e-barzh ar c’harr-boutin, evit mont kuit ! Kenavo d’ar c’hentań !

 

Pob hwyl ! Kenavo !

 

 

                                      Cymraeg                      Brezhoneg                     English                       Français